स्कूल वैन ल रूकवा के चार साल के लइका ल लेके भाग गे दू झन बाइक सवार मन,  पुलिस ह जुटिन हे जांच म

भिलाई। दुर्ग ले बड़े खबर आवत हे, गृहमंत्री के इलाका धनोद म अपहरण के घटना के जानकारी मिले हंवय। बतात हे कि बदमाश मन स्कूल वैन ले ही लइका के अपहरण कर लिन। मंगलवार के बिहनिया रोज के तरह लइका ह स्कूल जात रिहिस।  रस्ता म ही दू झन बाइक सवार बदमाश मन स्कूल वैन ल रूकवईस अउ लइका ल उठा के अपन संग ले गे।

जानकारी के मुताबिक घटना ह द रायल किड्स स्कूल बोरसी कॉलोनी के हरे। ये घटना ल देखईया मन के मुताबिक बदमाश मन लइका ल बाइक म लेके भागिस हे। जईसे ही घटना के जानकारी मिलिस ताहन पुलिस के आला अधिकारी घलो मौका म पहुंच गे रिहिन अउ आसपास के लोगन मन ले पतासाजी करत रिहिस।