जय जोहार। छत्तीसगढ़ (chhattisgarh) म घलो कोरोना ले बचाव बर 18 बछर ले ऊपर के सबो मनखे मन ल आज ले मुफत प्रिकॉसन/बूस्टर डोज लगाय जाही। ए उमर वर्ग के अइसे मनखे जेमन ल कोविड वैक्सीन के दूसरइया टीका लगाय 6 माह या 26 सप्ताह पूरा हो गेहे , ओमन ल सबो सासकीय कोविड टीकाकरण केन्द्र म प्रिकॉसन/बूस्टर डोज लगाय जाही।
कोरोना टीकाकरण के राज्य नोडल अधिकारी अउ राष्ट्रीय स्वास्थ्य मिसन के संचालक भोसकर विलास संदिपान ह बताइन कि कोरोना संक्रमण ले बचाव बर राज्य म 18 बछर ले जादा के सबो पात्र मनखे मन ल मुफत प्रिकॉसन/बूस्टर डोज लगाय के तैयारी पूरा कर ले गेहे। सबो जिला के टीकाकरण अधिकारी मन ल उन्मुखीकरण के संग माइक्रोप्लानिंग कर टीकाकरण कलर ल केहे गेहे । प्रदेस के सबो सासकीय कोविड टीकाकरण केंद्र म 18 बछर ले 59 बछर तक के मनखे मन ल पहलइया अउ दूसरइया खुराक के ही तरह प्रिकॉसन/बूस्टर डोज घलो मुफत म लगाय जाही ।
