झीरम कांड …पूरव मुख्यमंत्री डॉ रमन सिंह हो ही पूछताछ

रायपुर। झीरम कांड के एनआईए रिपोर्ट आ चुके हे। अब एसआईटी गठन के बाद नवां सिरा ले झीरम कांड के जाँच होही। जानकारी के अनुसार ए मामला म जल्द ही कई बड़े नेतामन ले  पूछताछ हो सकत हे।  पी. सुंदरराज ह झीरम कांड मामला म एनआईए रिपोर्ट ल ले के आ गे हे।

बता दन के राज्य सरकार ह राष्ट्रीय जांच एजेंसी ले झीरमघाटी कांड के रिपोर्ट मांगे गे रहिस हे। ए संबंध म उमन ल पत्र घलो लिखे गिस।  एनआईए के जांच म मिले साक्ष्य अउ संदेह के दायरा म आवइया सबो लोगन ले अब पूछताछ करे जाही। संगेच एसआईटी टीम घटनास्थल के दउरा कर साइंटिफिक तरीका ले साक्ष्य घलो जुटाही।

मिले जानकारी म ए संबंध म जल्द ही पूरव मुख्यमंत्री डॉ रमन सिंह ले घलो पूछताछ करे जाही। झीरम कांड मामला म  जे बिंदु तय करे गेहे, ओ बिंदु मन के  दायरा म पूर्व मुख्यमंत्री डॉ रमन सिंह घलो आ चुके हे।