जय जोहार…. (Chhattisgarh) कोविड-19 संक्रमण ल कम करे बर अवइया एक मई ले 18 बच्छर ले उपर उमर के मनखे मन के टीकाकरण सुरु होवइया हे। एखर बर काली 28 अप्रैल ले पंजीयन के प्रक्रिया ह सुरु हो जाही। प्रदेश सरकार ह ये टीका ल मुफ्त म लगाए के फइसला ले हे।
(Chhattisgarh) मिले जानकारी के अनुसार टीकाकरण बर सबले पहले cowin.gov.in के वेबसाइट म जा के अपन मोबाइन नंबर ल दर्ज करना होही। दर्ज मोबाइल नंबर म एक वन वन टाइम पासवर्ड जेनरेट होही। ए पासवर्ड ल वेबसाइट म लिखे ओटीपी बास्कस म लिखे के बाद वेरिफाई लिख के आइकन म क्लिक करे ल होही। एखर ले ये वेरिफाई हो जाही। एखर बाद पंजीयन के पन्ना नजर आही, जिहां अपन जानकारी ल डाले ल होही अउ एक फोटो आईडी घलो साझा करना होही।
बतावत जात हे कि अगर पहिले ले शुगर, ब्लड प्रेशर, अस्थमा या दूसर कोनो बीमारी हे, त एखर जानकारी ल विस्तार ले देना होही। (Chhattisgarh) जब ये जानकारी ह पूरा हो जाए, त रजिस्ट्रेशन लिखे आइकान म क्लिक करना होही। जइसे ही रजिस्ट्रेशन पूरा होही, कम्प्यूटर स्क्रीन म अपन अकाउंड डिटेल नजर आही। ए पेज म अपन अपाइंटमेंट डेट तय करे जा सकत हे।
No Comment! Be the first one.