chhattisgarh : जन सुविधा के दृस्टि ले हमन ह करेन प्रदेस म 29 नवा तहसील अउ 4 नवा अनुविभाग के गठन – सीएम

जय जोहार…. (chhattisgarh) मुख्यमंत्री भूपेश बघेल ह आज ‘‘लोकवाणी‘‘ की 20वीं कड़ी म आदिवासी अंचल के अपेक्षा अउ विकास‘‘ बिसय म प्रदेस वासी मन ले बात-चीत करीन। सीएम बघेल ह सबले पहिले छत्तीसगढ़ी म प्रदेस वासी मन ल पारंपरिक हरेली तिहार के बधाई अउ सुभकामना दीन हे। वो हा किहीन कि छत्तीसगढ़ी संस्कृति के अनुसार हरेली ह बच्छर के पहला तिहार हे। ए दिन अपन गांव-घर, गौठान ल लीप-पोत के तैयार करे जात हे।

वो हा किहीन कि छत्तीसगढ़िया भावना ल धियान म रखत हुए हरेली समेत पांच थीं तिहार म सरकारी छुट्टी घोसित करे गे हे। (chhattisgarh ) वो हा किहीन कि हमर मन के सरकार बने के बाद प्रदेस म पहली घांव विश्व आदिवासी दिवस 9 अगस्त ल सार्वजनिक अवकास घोसित करे गे हे। मुख्यमंत्री बघेल ह प्रदेस वासी मन ल अगस्त माह म अवइया तिहार हरेली, नागपंचमी, राष्ट्रीय पर्व स्वतंत्रता दिवस, ओणम, राखी, कमरछठ अउ कृष्ण जन्माष्टमी के घलो बधाई दीन हे।

वो हा किहीन कि ढाई बच्छर म हमन ह 29 नवा तहसील अउ 4 नवा अनुविभाग के गठन करे हन, ओमा ले जादातर आदिवासी अंचल म ही हे। (chhattisgarh ) कोरिया जिला म पटना के संग चिरमिरी अउ केल्हारी तहसील के घलो गठन करे गे हे। ऐखर आलावा कबीरधाम जिला म रेंगाखार-कला, सरगुजा जिला म दरिमा, बलरामपुर-रामानुजगंज जिला म रामचंद्रपुर, सामरी, सूरजपुर जिला म लटोरी, बिहारपुर, जशपुर जिला म सन्ना अउ सुकमा जिला म गादीरास सामिल हे। अइसने चार नवा अनुविभाग म दंतेवाड़ा के बड़े बचेली अउ बस्तर के लोहंडीगुड़ा सामिल हे ।