न्यायधानी म सनिच्चर अऊ इतवार के पूर्ण लॉकडाउन ल कलेक्टर ह करिन निरस्त

जय जोहार…. छत्तीसगढ़ के न्यायधानी बिलासपुर म सनिच्चर अऊ इतवार के लगाय गे दू दिन के पूर्ण लॉकडाउन ल अब निरस्त कर दे गे हे। प्रदेश म सबले जियादा संक्रमित लोगन मन ह बिलासपुर संभाग म हे, जेखर सती बिलासपुर जिला ल रेड जोन म शामिल करे गे हे। स्थिति म नियंत्रण बर सनिच्चर अऊ इतवार के दू दिन के पूर्ण लॉकडाउन लगाय गे रहिस, जेला कलेक्टर ह निरस्त कर दे हे। बिलासपुर संभाग के मुंगेली जिला म सबले जियादा संक्रमित 110 अऊ बिलासपुर जिला म कुल संक्रमित मरीज मन के संख्या ह 150 हे।