खुदे चलाए ल लग गे नाव फेर… गंगरेल म एक परिवार के दू मरिस अऊ एक लापता , पुलिस चलात हे रेस्क्यू

जय जोहार धमतरी..सन्देश…धमतरी जिला के गंगरेल डेम म एक ही परिवार के बारह झन एक नाव म सवार होके डूबान तक पहुँच गे, फेर तेज हवा ले नाव अनियंत्रित होय ल लग गे संगे संग ओमा पानी घलो भरे ल लग गे , डर के मारे सब्बो हडबडाय ल लग गे अऊ नाव पलट गे,

धमतरी एएसपी मनीषा ठकुर रावटे ह बताइस कि परिवार नारायणपुर से घूमे बर आय रिहिस अऊ गंगरेल बाँध के डूबान क्षेत्र अकलाडोंगरी म बगैर नाविक के नाव चलात रिहिस अचानक तेज हवा के कारण ये घटना घट गे , तुरते पुलिस ह खोजबीन चालु करिस अऊ दू झन के शव बरामद करिस जेमा एक बच्चा घलो हे, पुलिस ह ऐसे लापरवाही पूर्वक हरकत न करे बर अपील करे हे.