गेलाराम नगर, देवपुरी ह कन्टेनमेंट जोन होइस घोसित

जय जोहार…. गेलारामनगर, देवपुरी म एक नवा कोरोना पाजिटिव मामला पाय जाय के बाद क्षेत्र ल कन्टेनमेंट जोन घोसित करे गे हे। एखर संग क्षेत्र म सब्बो वाहन के आवाजाही म रोक लगा दे गे हे। कन्टेनमेंट जोन म प्रवेश अथवा निकास बर सिरिफ एक द्वार होही, जेमा तैनात पुलिस अधिकारी ह मेडिकल इमरजेंसी अऊ आवश्यक वस्तु के आपूर्ति बर आवागमन करइया सब्बो व्यक्ति के विवरण ल एक रजिस्टर म दर्ज करही।

बतावत जात हे कि  कोरोना वायरस संक्रमण के रोकथाम अऊ नियंत्रण बर पूर्व म साई दरबार मंदिर द्वार, पश्चिम म गेलारामनगर बोर्ड-एनएच 30 ले प्रवेश द्वार, उत्तर म थरानी- सिटी के गेट, दक्षिण म अंगठीबार प्रवेश द्वार ल कन्टेनमेंट जोन घोसित करे गे हे।

कन्टेनमेंट जोन के तहत सब्बो दुकान, आफिस अऊ आन वाणिज्यिक प्रतिष्ठान ह अवइया आदेश तक पूरा बंद रही। प्रभारी अधिकारी के तरफ ले कन्टेनमेंट जोन मे होम डिलीवरी के माध्यम ले आवश्यक वस्तु के आपूर्ति ल उचित दर म सुनिश्चित करे जाही। आवश्यक वस्तु के होम डिलीवरी बर परिवहन अनुमति ल इंसीडेंट कमांडर के तरफ ले दे जाही।