पुस्तक भारत के रत्न के होइस विमोचन, दु पद्मश्री संग डीजीपी घलो रहिस शामिल

जय जोहार रायपुर….पुस्तक भारत के रत्न के विमोचन ल न्यू सर्किट हाउस म सनिच्चर के करे गिस। ए पुस्तक के लेखक पुलिस अधिकारी नीरज चंद्राकर हे। ऊहचे पुस्तक के प्रकाशक भारतीय ज्ञान पीठ हे।

पुस्तक के लेखक पुलिस अधिकारी नीरज चंद्राकर ह बताइस कि आज के दौर म खाली समय मिलना काफी मुश्किल हे, मोला जैसा भी समय मिलत गिस। पुस्तक ल लिखत रहेव। आज मोला बहुत खुशी होत हे कि आज पुलिस के बड़े अधिकारी के हाथों पुस्तक के विमोचन होवत हे।

ए मऊका म डीजीपी ह कहिस कि पुस्तक इंसान के सबसे सच्चा दोस्त होते। ए दौरान डीजीपी ह एक पुस्तक के जिक्र करिस, जेखर नाम हावे पुलिस नामा, ये पुस्तक ल हर पुलिस अधिकारी ल पढ़े बर कहिस। ए मऊका म पद्मश्री अनुज शर्मा, पद्मश्री ममता चंद्राकर, डीजीपी डीएम अवस्थी, पूर्व आईएएस सुशील त्रिवेदी उपस्थित रहिस।