Chhattisgarh: गिधवा-परसदा पक्षी विहार” बनहि विश्व स्तरीय पर्यटन के स्थल: सीएम भूपेश बघेल

जय जोहार…. (Chhattisgarh) गिधवा-परसदा पक्षी विहार ल विश्व स्तरीय पर्यटन स्थल के रूप म विकसित करे जाही। प्रदेश के ए पक्षी विहार ल अंतरराष्ट्रीय मानचित्र म स्थापित करे बर हरसंभव कदम उठाय जाही। पक्षी विज्ञानी, प्रकृति प्रेमी अऊ अवइया सैलानी मन बर अलग-अलग सुविधा ल विकसित करे जाही।

इहां विश्व के अलग-अलग प्रवासी पक्षी मन के आवागमन होथे। बिसेसकर साल के महिना नवम्बर ले मार्च म इहां ये परक्षी ह रहत हे। ये बात ल (Chhattisgarh) सीएम भूपेश बघेल ह बेमेतरा जिला के नवागढ़ विकासखंड के ग्राम नगधा म गिधवा-परसदा पक्षी विहार महोत्सव ल संबोधित करत हुए किहिस।

एखर पहिले सीएम बघेल ह गिधवा-परसदा जलाशय के भ्रमण करिन। उहां अलग-अलग प्रजाति के पक्षी अऊ जलाशल ये मनोरम दृश्य ल कैमरा म कैद करिन। (Chhattisgarh) ए अवसर म वन अऊ परिवहन मंत्री मोहम्मद अकबर, संसदीय सचिव गुरुदयाल बंजारे, विधायक आशीष छाबड़ा, प्रधान मुख्य वन संरक्षक राकेश चतुर्वेदी, आईजी विवेकानंद सिन्हा, कलेक्टर शिवअनंत तायल समेत जनप्रतिनिधि अऊ अधिकारी मन उपस्थित रिहिन।