Godhan Nyay Yojana : सीएम ह काली हितग्राही मन ल 8 करोड़ 3 लाख रुपिया के करही भुगतान

जय जोहार। (Godhan Nyay Yojana ) सीएम भूपेश बघेल ह शुक्रवार के मुख्यमंत्री निवास कार्यालय म गोधन न्याय योजना के रासि अंतरण बर आयोजित वर्चुअल कार्यक्रम के माध्यम ले पशुपालक ग्रामीण, गौठान ले जुड़े महिला समूह अउ गौठान समिति ल 8 करोड़ 3 लाख रुपिया के रासि ऑनलाइन जारी करही, जेमा 1 जनवरी ले 15 जनवरी 2023 तक गौठान म पशुपालक ग्रामीण, किसान, भूमिहीन मन ले ख़रीदे 2.13 लाख क्विंटल गोबर के एवज म 4 करोड़ 27 लाख रुपिया, गौठान समिति ल 2.23 करोड़ रुपिया अउ महिला समूह ल 1.53 करोड़ रुपिया के लाभांस रासि सामिल हे।

उल्लेखनीय हे कि गोधन न्याय योजना के तहत गोबर खरीदी के एवज म विक्रेता मन ल अंतरित करे जवइया 4.27 करोड़ रुपिया के रासि म ले मात्र 1.75 करोड़ के रासि कृषि विभाग डहार ले अउ 2.52 करोड़ रुपिया के भुगतान स्वावलंबी गौठान डहार ले करे जाही।

गौरतलब हे कि राज्य म अब तक 4690 गौठान स्वावलंबी हो चुके हे , जेन स्वयं के जमा पूंजी ले गोबर क्रय करे म लगे हे। स्वावलंबी गौठान डहार ले अब तक 37.71 करोड़ रुपिया के गोबर स्वयं के रासि ले क्रय कर भुगतान करे गेहे ।