नीट यूजी (NEET UG) में भरती बर प्रदेश के संगठित क्षेत्र के बीमित मजदूर मन के लइका मन बर सोना कस मौका
रायपुर, प्रदेश के संगठित क्षेत्र के बीमित मजदूर (श्रमिक) मन के लइका मन ला स्नातक स्तर (Graduation) में डाक्टरी पढ़ाई के प्रवेश परीक्षा नीट यूजी (NEET UG) में आसानी ले भरती मिल सके, ए उद्देश्य ले भारत सरकार के श्रम अउ रोजगार मंत्रालय के कर्मचारी राज्य बीमा निगम (ESIC) के 20 मेडिकल कॉलेज मन में बीमित मजदूर मन के लइका मन बर 700 सीट आरक्षित (रिजर्व) करे गे हे।
बीमित मजदूर मन के लइका मन ला नीट यूजी में भरती बर होवे वाली प्रवेश परीक्षा के फारम भरे के आखिरी तारीख 31 मई 2026 तय करे गे हे। एकर बर कर्मचारी राज्य बीमा निगम के वेबसाईट www.esic.nic.in में जाके आवेदन करना होही।
एकर अलावा अउ जादा जानकारी बर कर्मचारी राज्य बीमा निगम के नियत के शाखा दफ्तर (Branch Office) या राज स्तरीय क्षेत्रीय दफ्तर (Regional Office) में संपर्क करे जा सकत हे। कर्मचारी राज्य बीमा निगम ले कोनो भी किसम के जानकारी पाए बर टोल फ्री नंबर 1800112526 में घलव फोन करे जा सकत हे।
त अउ सब श्रमिक संगी मन ले बिनती हे कि नीट यूजी में भरती बर अपन पढ़इया अउ अक्लमंद लइका मन ले जादा ले जादा फारम भरवा के भारत सरकार के श्रम अउ रोजगार मंत्रालय के ए योजना के लाभ जरूर लेवें।
हमर चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/
