सुशासन तिहार 2026: सिमड़ा शिविर मं हितग्राही मन ला मिलिस राशन कार्ड, चेहरा मं आइस मुस्कान
- गांव के तीर मं मिलिस समाधान, माईलोगन मन ह मुख्यमंत्री विष्णुदेव साय के मानिन आभार
रायपुर, मुख्यमंत्री विष्णुदेव साय के अगुवई मं आयोजित “सुशासन तिहार 2026” मनखे मन के समस्या के तुरंते समाधान के एक बड़े माध्यम बनत जावत हे। “गांव-गांव, दुआर-दुआर” पहुँचत प्रशासनिक व्यवस्था ले नागरिक के समस्या के निराकरण करके ओमन ला अलग-अलग योजना के लाभ घलो दे जावत हे।
ए कड़ी मं जशपुर जिला के दुलदुला विकासखंड के ग्राम सिमड़ा मं आयोजित जिला स्तरीय जनसमस्या निवारण शिविर मं पात्र हितग्राही मन ला राशन कार्ड बांटे गिस। शिविर मं कुल 5 हितग्राही मन ला नवा राशन कार्ड दे गिस, जेखर ले ओमन ला सार्वजनिक वितरण प्रणाली (कंट्रोल) के तहत राशन मिले के सुभीता होही।
लाभ पाए वाले हितग्राही मन मं ग्राम सिमड़ा के अनामिका टोप्पो, मयूरचुंदी के लीलावती गोंड, अउ सेली खेस के गीता सिंह संग आन हितग्राही मन सामिल हें।
राशन कार्ड मिले ले माईलोगन मन ह गदगद होइन अउ मुख्यमंत्री विष्णुदेव साय संग जिला प्रशासन के आभार जताइन। हितग्राही मन ह कहिन कि सुशासन तिहार ओमन बर बहुत काम के साबित होय हे। अब ओमन ला अपन समस्या के समाधान बर जिला मुख्यालय के चक्कर नइ काटे ला परय, बल्कि प्रशासन खुद गांव के तीर पहुँच के तुरंते समाधान करत हे।
सुशासन तिहार के माध्यम ले सरकार के योजना के लाभ सीधा जरूरतमंद तक पहुँचत हे, जेखर ले आम मनखे मन के जिनगी मं बढ़िया बदलाव देखे ला मिलत हे।
