सुशासन तिहार बनिस संबल : ट्राइसाइकिल मिले ले खोमीन कल्लो के जिनगी म लवटिस आतमनिर्भरता के मुसकान
समाज कल्यान बिभाग के कोसिस ले अब खुद के दम म तय करत हे जिनगी के रद्दा
रायपुर, कत्तको बेर नानमुन मदद घलो ककरो जिनगी म बड़ बदलाव लेके आ जथे। मोहला-मानपुर-अंबागढ़ चौकी जिला के ग्राम पंचायत हांडीटोला के रहइया 30 बछर के दिब्यांग हितग्राही खोमीन कल्लो के जिनगी म घलो असने एक ठो बने बदलाव आए हे। बउनापन (शॉर्ट स्टेचर) ले परेसान खोमीन ला रोज के काम-बूता अउ आवन-जावन म बड़ अकन दुख-तकलीफ के सामना करे बर परत रहिस। घर ले बाहिर निकरना, समाज के जन-कारज म सामिल होना या नान-नान जरूरी काम करना घलो ओकर बर एक बड़ चुनौती बन गे रहिस।
40 प्रतिसत दिब्यांगता ले जूझत खोमीन अकसर दूसर मन के भरोसा बइठे बर मजबूर रहिस हे। लाकिन सुशासन तिहार 2026 के पहिली आयोजित जनसमस्या निवारन सिबिर ह ओकर जिनगी म नवा आस जगा दिस। ग्राम पंचायत हांडीटोला म लगे सिबिर म समाज कल्यान बिभाग कोति ले ओला ट्राइसाइकिल दे गिस, जेकर ले ओकर जिनगी ला नवा रद्दा मिल गे।
खोमीन कल्लो ह गदगद (भावुक) होके कहिथे कि ट्राइसाइकिल मिले के बाद अब ओला अपन रोज के काम-बूता बर ककरो बाट जोहे बर नहीं परे। अब ओह आस-पास सहेज म आ-जा सकत हे अउ आतमबिसवास के संग अपन काम-बूता ला खुदेच करे लगिस हे। ओकर चउंरा (चेहरा) म लवटे मुसकान ए बात के गवाही देथे कि सरकार के योजना मन जब जरूरतमंद मन तक पहुंचथे, त ओ मन सिरिफ सुबिधा नई बल्कि सनमान अउ आतमनिर्भरता घलो देथें।
ओह सरकार, जिला प्रसासन अउ समाज कल्यान बिभाग ला धनबाद देवत कहिस कि ए मदद ओकर बर ककरो नवा जिनगी ले कम नई हे। अब ओह पहिली के तुलना म जादा आतमनिर्भर अउ आतमबिसवासी महसूस करत हे।
हमर चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/
