‘गूगल बॉय’ रुद्र ल, लोक भवन म मिलिस सम्मान
रायपुर. राज्यपाल रमेन डेका ले आज लोक भवन म जिला दुर्ग के 6 बछर के ‘गूगल बॉय’ रुद्र शर्मा ह अपन दाई-दादा (पालक) मन के संग मुलाकात करिस। अपन अचमित कर देने वाला स्मरण शक्ति ले ओ ह सबला हैरान कर दीस। राज्यपाल श्री डेका ले मुलाकात के बखत रुद्र ह सामान्य ज्ञान अउ प्रतियोगी परीक्षा ले जुड़े सवाल के सटीक जवाब देके अपन प्रतिभा के परिचय दीस।
कक्षा पहली के छात्र रुद्र ल यूपीएससी (UPSC) अउ पीएससी (PSC) स्तर के सवाल के जवाब घलो याद हे। मुलाकात के बखत राज्यपाल ह ओकर ले छत्तीसगढ़ के गठन, राज्य के बिसेसता अउ भारतीय संविधान ले जुड़े सवाल पूछिन, जेकर रुद्र ह बिना कोनो झिझक के तुरंते सही जवाब दीस।
रुद्र के तेज स्मरण शक्ति अउ आत्मविश्वास ले गदगद होके राज्यपाल ह ओकर सराहना करिन। ओमन लोक भवन कोति ले रुद्र ल प्रमाण पत्र प्रदान करिन अउ ओकर उज्जर भविस्स के कामना करिन।
ए मउका म रुद्र के दाई पायल शर्मा के
