सरकार ह वेतनवृद्धि के आदेश म करिन संशोधन, जानव कब मिलही पैसा
जय जोहार…. राज्य सरकार ह पूर्व म शासकीय कर्मचारी मन ल एक जुलाई 2020 अउ एक जनवरी 2021 म देय वार्षिक वेतनवृद्धि ल अवइया आदेश तक रोग लगाय जाय के आदेश जारी करे रिहिस, लेकिन लेकिन कर्मचारी मन के विरोध ल देखत हुये एमा संशोधन करत हुये एरियर्स राशि के भुगतान ल 2021 म करे गे बात केहे गे हे।
वित्त विभाग के अपर सचिव सतीश पाण्डेय के तरफ ले शासन के सब्बो विभाग के प्रमुख ल जारी निर्देश म स्पष्ट करे गे हे कि एक जुलाई 2020 ले देय वार्षिक वेतनवृद्धि जुलाई 2020 म स्वीकृत करे के संग आवश्यक वेतन प्रमाणपत्र ल जारी करे जाये।
लेकिन एखर भुगतान ल जनवरी 2021 के नियमित वेतन ले करे जाही। ऊहचे एक जुलाई 2020 ले 31 जनवरी 2020 तक के देय एरियर्स के भुगतान घलो जनवरी 2021 म करे जाही।
ऊहचे नए निर्देश म जनवरी 2021 के देय वार्षिक वेतनवृद्धि ल जनवरी 2021 म स्वीकृत करने के संग आवश्यक प्रमाणपत्र जारी करे जाही,
लेकिन एक भुगतान ल एक जुलाई 2021 के नियमित वेतन ले करे जाही। ऊहचे एक जनवरी 2021 ले 30 जून 2021 तक देय एरियर्स के भुगतान ल जुलाई 2021 म करे जाही।
