अंग्रेजी माध्यम स्कूल के सेटअप ल शासन ह दे हे मंजूरी, प्राचार्य के पद ल प्रतिनियुक्ति ले भरे जाही

जय जोहार…. राज्य सरकार ह प्रदेश म नवा शिक्षा सत्र ले सुरू होवत 40 उत्कृष्ट अंग्रेजी माध्यम स्कूल बर ओखर आवश्यकता ल धियान म रखत हुये सेटअप ल मंजूरी दे दे हे।

प्राचार्य के पद ल प्रतिनियुक्ति ले भरे जाही। जबकि ए नवीन शाला म व्याख्याता ल ले के भृत्य तक पद के नियुक्ति ह संविदा आधार म होही।

संविदा पद बर घलो शासन के तरफ ले मानदेय ल निर्धारित कर दे गे हे। नवा अंग्रेजी माध्यम स्कूल के संचालन अउ प्रबंधन ह कलेक्टर के अध्यक्षता वाले समिति के जिम्मा होही।
राज्य सरकार के तरफ ले जारी आदेश के मुताबिक स्कूल शिक्षा विभाग ह एक स्कूल ल इकाई मानत हुये प्रत्येक स्कूल बर अलग-अलग सेटअप के मंजूरी ल दे हे।
प्राचार्य के पद ह प्रतिनियुक्ति बर आरक्षित हे। ए पद म संविदा नियुक्ति ह नई होही। आन पद ल प्रतिनियुक्ति अथवा संविदा नियुक्ति ले भरे जा सकही। प्रतिनियुक्ति के दशा म संबंधित कर्मचारी मन ल वही वेतन अउ भत्ता प्राप्त होही, जेन ओखर मूल विभाग ले ओला प्राप्त होवत रिहिस। ओमा प्रतिनियुक्ति के प्रावधान ह घलो लागू होगी।
संविदा नियुक्ति के अवस्था म शासन के तरफ ले तय एकमुश्त मानदेय ल दे जाही। अंग्रेजी माध्यम स्कूल म कक्षा पहली ले बारहवीं तक पढ़ई होही।