पुलिसकर्मी अउ सरकारी कर्मचारी मन ल बड़का सउगात दीस भूपेश ह

रायपुर: छत्तीसगढ़ के मुख्यमंत्री भूपेश बघेल ह शनिवार क दू बड़का घोषणा करिन हे.सीएम ह सूबा के पुलिसकर्मी अउ सरकारी कर्मचारी मन ल बड़का सउगात दीस हे.

अब सूबा के पुलिस कर्मी मन अउ अधिकारी मन एक दिन के वीकली ऑफ दय जाही.काफी लंबाबेरा ले पुलिसकर्मी मन ह सप्ताहिक अवकाश दे के मांग करत रहिनहे. जेखर बर आखिरकार सरकार ह हामी भर दीस हे. जल्द ही पुलिस मुख्यालय ले
आदेश घलो जारी कर दे जाही. रायपुर म आयोजित एक कार्यक्रम के दउरान
मुख्यमंत्री ह ए ऐलान करिस हे..

सरकारी कर्मचारी मन ल डीए के सउगात

भूपेश सरकार ह सरकारी कर्मचारी मन बर एक बड़का फइसला लेय हे. राज्य सरकार
ह शासकीय कर्मचारी मन के  डीए म बढ़ोतरी कर दीस हे. सरकार ह डीए ल बढ़ा
के 9 प्रतिशत कर देय हे. पहिली कर्मचारी मन ल 5 प्रतिशत डीए मिलत रहिस
हे. पेंशनर्स  मन के डीए म घलो राज्य सरकार ह इजाफा करिस हे. डीए 5 ले 9
प्रतिशत कर देय गिस  हे. एखर बर  जल्द ही आदेश घलो जारी कर देय जाही.
मिले जानकारी के मुताबिक अप्रैल ले कर्मचारी मन के वेतन म डीए जोड़के देय
जा सकत हे.