सरकार के निर्देश के नई होइस पालन, खुले मिलिस स्कूल, आश्रम अऊ हास्टल,, मंत्री बोलिस- काईवाई करे जाही
जय जोहार रायपुर…. आदिम जाति कल्याण विभाग के तरफ ले संचालित कई स्कूल, आश्रम अऊ हास्टल अभी घलो खुले हुए हे। जबकि सरकार ह 31 मार्च तक बंद रखे के सख्त निर्देश दे हे। आदिम जाति कल्याण मंत्री प्रेम साय सिंह टेकाम ह मामला ल संज्ञान म लेके कार्रवाई करे के बात केहे हे।
मंत्री टेकाम ह कहिन कि आदिम जाति कल्याण विभाग बर अलग ले आदेश निकाले के जरूरत नई हे, जेन आदेश निकलिस, वो सबो बर हे। स्कूल खुले के जानकारी मिलत हे, त संज्ञान म लेके कार्रवाई करे जाही। वोहा कहिन कि जंगल क्षेत्र के आश्रम मन के बात हे, त ऊहां के बच्चे वही रहत अऊ पढ़त हे। इसलिए ओमन ला विशेष निगरानी म रख के संचालित करे जात हे। ओ मन के छुट्टी करना उचित नई हे, अगर छुट्टी दिए जाही, त बच्चे इधर-उधर घूमही, जेखर ले ओला ज्यादा खतरा होही।
