राज्य सरकार ह जारी करीस एडवाइजरी, बाढ़ ले बाचे बर सुरक्षा के धियान रखे खातिर जरूरी बात

रायपुर. राज्य सरकार ह नगरीय निकाय, प्रशासन अउ आम जनता खातिर बारिश के मौसम के आय के पहिली ही बाढ़ ले बांचे अउर स्थिती ले निपटे बर एडवाइजरी जारी कर दे हे। बारिश के मौसम में कई क्षेत्र में बाढ़ जइसे हालत हो जथे अउ जान-माल के हानि आघू आथे। एडवाइजरी में काय सावधानी आम जनता ल अपनाना चाही येला बताय गेहे।

बाढ़ ले पहली लोगन निम्न तैयारी कर लेवे-

1. ऊँचा आश्रय वाले जगा के चयन करव।
2. दवाई , रूपए, ज़ेवर, ज़रूरी कागज़ात ,सूखा खाए-पिए के जिनिस तैयार रखव।
3. नाव, ट्यूब /लाइफ जैकेट, रस्सी ,तारपोलिन शीट तैयार रखव।
4. नाली के सफई करा लेव।
5. सुरक्षित रास्ता के चयन अउ बचाव के योजना बना लेव।
6. चेतावनी अउ सूचना में ध्यान देके लोगन ल बताहू।

बाढ़ ले बचे के उपाय

1. आपतकालीन किट हमेशा अपन पास रखव ,जेमा एक छोटे रेडियो, टार्च, बैट्री,मजबूत रस्सी, माचीस,
मोमबत्ती,पानी,सूखा भोजन,खाद्य सामग्री साथ होवय।
2. घर के सबो सदस्यों ल नजदीकी सुरक्षित आश्रय के पता हो।
3. लइका मन ल बाढ़ के पानी में खेले ले से रोकहू।
4. सांपों अउ कोनो दूसर जहरीले जन्तु ले बचके रहू।
5. चेतावनी व सुझाव बर रेडियो सुनो या टीवी देखव।
6. अफवाह पर ध्यान मत देव न घबराव।

बाढ़ के बाद काय करहू

1. बाढ़ के पानी में झन जाहू।
2. कहूं पानी के गहरई के जानकारी नी होही ते कभी पार करे के कोशिश झन करहू।
3. हैण्ड पंप व कुएँ के सफई सुनिश्चत करव संग म पानी उबाल के ही पिहू।
4. लइका मन ल बाढ़ के पानी में घुमन-खेलने मत देहू।
5. बिजली खम्भा तीर मत रहू।
6. खुला में शौच मत करव।
7. अफवाह न फैलाओ न ओमा ध्यान देव।