Chhattisgarh: इंदिरा गांधी कृषि विश्वविद्यालय के 12 फसल ल भारत सरकार ह दीन मंजूरी, पढ़व

जय जोहार…. भारत सरकार के केन्द्रीय बीज उपसमिति ह इंदिरा गांधी कृषि विश्वविद्यालय रायपुर (Chhattisgarh) ले विकसित 12 अलग-अलग फसल क नवा किस्म ल व्यावहारिक खेती अऊ गुणवत्ता बीज उत्पादन अधिसूचित करे हे। भारतीय कृषि अनुसंधान के उप महानिदेशक के अध्यक्षता में केंद्रीय बीज उपसमिति के बइठक होय हे।

(Chhattisgarh) ए बइठक म इंदिरा गांधी कृषि विश्वविद्यालय ले विकसित चावल के 3, गेहूं के 2, चना के 1, सोयाबीन के 3, कुसुम के 1 अऊ अलसी के 2 नवा किस्म ल छत्तीसगढ़ अऊ देश के आन राज्य म व्यावसायिक खेती अऊ गुणवत्ता बीज उत्पादन बर अधिसूचित करे गे हे। अवइया साल ले विश्वविद्यालय के विकसित ए सबो नवा किस्म ल व्यावसायिक खेती अऊ गुणवत्ता बीज उत्पादन कार्यक्रम म लिये जाही।

केंद्रीय बीज उपसमिति ह इंदिरा गांधी कृषि विश्ववि्दायलय (Chhattisgarh) ले विकसित जेन नव फसल के किस्म ल अधिसूचित करे हे, ओमा धान के तीन नवा किस्म विक्रम टी.सी.आर, सी.जी. जवांफूल ट्रॉम्बे, सी.जी. बरानी धान-2 ल छत्तीसगढ़ राज्य बर अधिसूचित करे गे हे। गेहूँ के नवा किस्म – सी.जी.-1029 ल छत्तीसगढ़, मध्यप्रदेश, गुजरात, राजस्थान अऊ उत्तर प्रदेश बर, छत्तीसगढ़ हंसा गेहूँ ल छत्तीसगढ़ राज्य बर अधिसूचित करे गे हे।