CM Bhupesh Baghel के प्रस्ताव ल भारत सरकार ह दीन मंजूरी, मध्यान्ह भोजन म सामिल होही मिलेट्स
जय जोहार। सीएम भूपेश बघेल (CM Bhupesh Baghel) डहार ले मध्यान्ह भोजन योजना म मिलेट्स ल सामिल करे के प्रस्ताव ल केन्द्र सरकार ह मंजूरी दे दीन हे। अब प्रधानमंत्री पोषण शक्ति योजना के तहत छत्तीसगढ़ के 12 जिला म सोया चिक्की के स्थान म सप्ताह म चार दिन स्कूली लईका मन ल मिलेट्स ले निर्मित खाद्य पदार्थ वितरित करे जाही।
छत्तीसगढ़ सरकार के मंसा के अनुरूप लोक शिक्षण संचालनालय डहार ले केन्द्र सरकार ल ए योजना ल आंसिक रूप ले संशोधित करत हुए सोया चिक्की के स्थान म मिलेट्स ले बने खाद्य सामग्री वितरित करे जाय के प्रस्ताव ल भेजे गे रिहीन । ए प्रस्ताव ल केन्द्र सरकार के डायरेक्टर पीएम पोषण डहार ले मंजूरी दे दे गेहे ।
उल्लेखनीय हे कि राज्य म मिलेट्स के उत्पादन बर किसान ल भरपूर प्रोत्साहन दे जावत हे । कोदो, कुटकी-रागी जइसे मिलेट के समर्थन मूल्य म उपार्जन करे जावत हे । एखर आलावा मिलेट मिशन के अंतर्गत राज्य के मिलेट्स उत्पादक किसान ल 9 हजार रुपिया के इनपुट सब्सिडी प्रदान करे जात हे । बछर 2023 ल अंतर्राष्ट्रीय मिलेट बछर घोसित करे गेहे ।
