सरकार ह सदन म पेश करिस आर्थिक सर्वे, सबले ज्यादा सेवा क्षेत्र म विकास के उम्मीद

जय जोहार रायपुर। विधानसभा म सोमवार के मंत्री अमरजीत भगत ह आर्थिक सर्वेक्षण 2019-20 ल पटल म रखिस। छत्तीसगढ़ के जीडीपी म स्थिर भाव 2011-12 के आधार म 5.32 प्रतिशत त प्रचलित दरों म 8.26 प्रतिशत वृद्धि के अनुमान जताए गे हे।

सदन के पटल म रखे गे आर्थिक सर्वेक्षण म जीडीपी 2018-19 के तीन लाख चार हजार 63 करोड़ रूपिया ले बढ़के 2019-20 म तीन लाख 29 हजार 180 करोड़ रूपिया संभावित हे। अइसने 2018-19 के तुलना म 8.26 प्रतिशत के वृद्धि के अनुमान हे। एमा कृषि क्षेत्र म 3.31 प्रतिशत, उद्योग क्षेत्र म 4.94 प्रतिशत अऊ सेवा क्षेत्र म 6.62 प्रतिशत वृद्धि अनुमानित हे।