बाढ़े मूल्य म महुआ के खरीदी करही सरकार , 17 के बदले अब 30 रुपिया प्रति किलो म महुआ बेच सकही किसान – अकबर

जय जोहार… प्रदेश के महुआ संग्रहण कर्ता किसान मन बर खुशी के खबर हे, सरकार ह महुआ के समर्थन मूल्य ल बढा दे हे, बता दन कि पहिली महुआ के खरीदी प्रति किलो 17 रुपिया के दर से करे जात रिहीस, लेकिन अब एमा बढोतरी करके 30 रुपिया प्रति किलो कर दे गे हे, ये जानकारी प्रदेश के वन मंत्री मोहम्मद अकबर ह दिस हे।

ओमन किहिंन कि मूल्य वृद्धि बर क्षेत्र के विधायक मन लगातार मांग करत रिहिस, तेला देख के प्रदेश के मुखिया ह कीमत बढोतरी के आदेश करिस हे, एखर आलावा सीएम ह अब आदिवासी मन ल महुआ कोनो ल भी बेचे के अनुमति दे दे हे , ये निर्णय ले आदिवासी मन सरकार के प्रति आभार व्यक्त करे हे।