अवैय्या चार महीना म बुजुर्ग नागरिक अउ दिव्यांग मन ल देश भर के तीर्थ स्थान के निःशुल्क दर्शन कराही सरकार
रायपुर. छत्तीसगढ़ सरकार ‘तीरथ बरत योजना‘ के तहत अवैय्या चार महीनों में लगभग 15 हजार बुजुर्ग नागरिक अउ एक हजार दिव्यांग मन ल देश भर के तीर्थ स्थान के निःशुल्क दर्शन कराही। समाज कल्याण मंत्री अनिला भेंड़िया के आदेश म महानदी भवन ले समाज कल्याण विभाग डहान ले ए बछर जून ले सितम्बर महीना तक तीर्थ यात्रा कार्यक्रम खातिर स्वीकृति जारी होय हवे।
‘तीरथ बरत योजना‘
जारी आदेश के मुताबिक करकोन जिला के हर यात्रा में 1000 यात्री ले जाने का लक्ष्य रखे गेहे। योजना के तहत प्रदेश के लगभग एक हजार दिव्यांग 30 जुलाई के प्रयाग, काशी विश्वनाथ अउ हनुमान मंदिर के दर्शन बर रवाना होहीं। ऐ तरह ले छत्तीसगढ़ के सबो जिलों ले लगभग एक हजार बुजुर्ग 2 सितम्बर के अजमेर शरीफ,पुष्कर,आगरा (सलीम चिश्ती के दरगाह)अउ एक हजार बुजुर्ग 11 सितम्बर के अमृतसर स्वर्ण मंदिर,वैष्णो माता मंदिर,वाघा बार्डर जाहीं।
बस्तर,दंतेवाड़ा,बीजापुर अउ सुकमा जिले के बुजुर्ग 4 जून के रायपुर ले गंगासागर, बिरला मंदिर, कालीघाट मंदिर के दर्शन बर जाहीं। बिलासपुर अउ कोरबा जिले के बुजुर्ग 10 जून ले 15 जून तक अउ कोरिया, सूरजपुर, बलरामपुर, सरगुजा जिले के बुजुर्ग 22 ले 17 जुलाई तक कामाख्या मंदिर, नवग्रह मंदिर, वशिष्ट मुनि का आश्रम, उमानंद मंदिर, शिवजी का मंदिर, शंकरकला क्षेत्र गुवाहाटी के दर्शन बर जाहीं।
बिलासपुर अउ कोरबा जिले बर कोरबा ले अउ कोरिया,सूरजपुर,बलरामपुर,सरगुजा जिले बर अम्बिकापुर ले यात्रा शुरू होही। इही तरह ले रायगढ़ अउ जशपुर जिले के बुजुर्ग मन हरिद्वार, ऋषिकेश,भारत माता के दर्शन बरए 19 जून के रायगढ़ ले रवाना होंही।
योजना के तहत नारायणपुर, कोण्डागांव, कांकेर जिला के वरिष्ठजन द्वारका, सोमनाथ, नागेश्वर बर 26 जून के रायपुर ले रवाना होंही। मुंगेली, जांजगीर-चांपा जिला ले तिरूपति, मदुरै, रामेश्वरम के यात्रा 5 जुलाई ले होही। राजनांदगांव और कबीरधाम जिले के बुजुर्ग 16 जुलाई ले 18 जुलाई तक बाबा बैजनाथ धाम, बजरंगबली मंदिर, अनुकुल ठाकुर जी के संत्संग मंदिर के दर्शन करहीं।
धमतरी अउ बालोद जिले के वरिष्ठ नागरिक 5 अगस्त के, बलौदाबाजार अउ महासमुद के बुजुर्ग 26 अगस्त के अउ बस्तर, दंतेवाड़ा, बीजापुर, सुकमा जिला के बुजुर्ग 18 सितंबर के पुरी, भुवनेश्वर अउ कोणार्क दर्शन बर रवाना होंही। दुर्ग अउ बेमेतरा जिला के बुजुर्ग 12 अगस्त के दुर्ग ले उज्जैन, ओंकारेश्वर अउ महाकालेश्वर के तीर्थ यात्रा बर जाहीं। रायपुर अउ गरियाबंद के वृ़द्धजन 19 अगस्त के मथुरा, वृंदावन दर्शन बर जाहीं। इही तरह ले 24 सितम्बर के बिलासपुर अउ कोरबा जिला के बुजुर्ग शिरडी, शनि सिंगनापुर, त्रयंबकेश्वर दर्शन बर रवाना होंही।
