chhattisgarh सरकार के बड़का फइसला, दसवीं के परीक्षा होगे निरस्त, बारहवीं के परीक्षा ल करिन स्थगित

जय जोहार…. (chhattisgarh) कोरोना वायरस के संक्रमण ल देखत हुये राज्य सरकार ह बड़का फइसला ले हे। सरकार ह 10वीं बोर्ड परीक्षा ल निरस्त कर दे हे। संगेसंग 12वीं के बोर्ड परीक्षा ल स्थगित करे के निर्णय ले हे। ए बात के पुष्टि प्रदेश के स्कूल शिक्षा मंत्री प्रेमसाय सिंह ह करे हे।

(chhattisgarh) स्कूल शिक्षा मंत्री टेकाम ह बताईस कि बाढ़ते कोरोना संक्रमण ल देखत हुये फइसला ले गे हे कि बारहवी के परीक्षा ल फिलहाल स्थगित कर दे जाए। उहचे दसवीं क परीक्षा जेला पहिले स्थगित करे गे रिहिन, ओला अब निरस्त कर दे गे हे। मंत्री टेकाम ह कहिन कि एक लईका मन ल खतरा न हो, एखर सती ये फइसला ले गे हे। कोरोना संक्रण ह कम होय म बारहवीं बोर्ड के परीक्षा ले जाही। फिलहाल अवइया आदश तक निरस्त शासन के आदेश के अनुसार करे गे हे।

माध्यमिक शिक्षा मंडल म पंजीयन के मुताबिक बारहवीं म 287000 विद्यार्थी पंजीकृत हे। उहचे दसवीं में 4 लाख 61 हजार विद्यार्थी पंजीकृत हे। (chhattisgarh) माध्यमिक शिक्षा मंडल ह दुनो बोर्ड परीक्षा बर समय सारिणी ल जारी करे रिहिन। 3 मई ले 24 मई तक 12वीं के परीक्षा होना रिहिन अऊ 15 अप्रैल ले दसवीं बोर्ड के परीक्षा आायोजित रिहिन, जेला पहिले स्थगित करे गे रिहिन, ओला अब निरस्त कर दे गे हे।