शराब बिक्री ले सरकार के घट गिस आय, 2018-19 के तुलना म सरकार ल होइस 402 करोड़ के घाटा

जय जोहार रायपुर…. प्रदेश म शराब बिक्री ले सरकार के आय घट गे हे। सरकार ल गत वर्ष के तुलना म ये वर्ष 402 करोड़ रूपिया के घाटा होए हे। ये जानकारी ल सदन म आबकारी मंत्री कवासी लखमा ह दिस। मंत्री ह सदन म ये वर्ष के संगेसंग बीते वर्षों के आकड़ा ल सामने रखिस।

आबकारी मंत्री ह बताइस कि साल 2019-20 म शराब ले 4089 करोड़ रूपिया के सरकार ल आय प्राप्त होए हे। जबकि 2018-19 म 4491 करोड़ अऊ 2017-18 म 4054 करोड़ के आय प्राप्त होइस।