Chhattisgarh : राज्यपाल अनुसुईया ह लगवाइन हे कोरोना वैक्सीन के दूसर डोज, पढ़व

जय जोहार….. (Chhattisgarh) राज्यपाल सुश्री अनुसुईया उइके ह शुक्रवार के पं. जवाहरलाल नेहरू स्मृति चिकित्सा महाविद्यालय के कोविड-19 टीकाकरण के केंद्र म कोरोना वैक्सीन के दूसर डोज लगवाइन हे। ए दौरान राज्यपाल ह सबो पात्र मनखे मन ले कोरोना वैक्सीन अवश्य लगवाए के अपील करे हे।
(Chhattisgarh) राज्यपाल सुश्री अनुसुईया उइके ल स्टाफ नर्स सीता साहू ह वैक्सीन के दूसर डोज लगाइस। वैक्सीन लगे के बाद ओ हा आधा घंटा बर निगरानी कक्ष म रिहिन। चिकित्सा महाविद्यालय के अधिष्ठाता डॉ. विष्णु दत्त ह राज्यपाल ल कोरोना के वैक्सीनेशन पूरा करे के प्रमाण पत्र घलो दीन हे।

ए अवसर म (Chhattisgarh) अम्बेडकर अस्पताल के चिकित्सा अधीक्षक डॉ. विनित जैन, एनेस्थेसिया विभागाध्यक्ष डॉ. के. के. सहारे, मेडिसिन विभागाध्यक्ष डॉ. डी. पी. लकड़ा अउ टीकाकरण के सहायक प्रभारी डॉ. नरेश साहू उपस्थित रिहिन।