मतदाता जागरूकता बर राज्यपाल डेका ह करिन अपील

रायपुर: राज्यपाल रमेन डेका ह राष्ट्रीय मतदाता दिवस के अवसर म मतदाता मन ले अपील करिन कि लोकतंत्र के प्रति अपन कर्त्तव्य अउ जिम्मेदारी ल लेके सचेत रहव अउ अपन बहुमूल्य मत के उपयोग लोकतंत्र के मजबूती अउ देश के विकास म अपन भागीदारी निभाए बर करव।
ओमन ह कहिन कि एक सफल लोकतंत्र बर ए जरूरी हे, कि हर युवा भारतीय नागरिक स्वयं ल मतदाता के रूप म पंजीकृत करावय अउ समय-समय म होवइया निर्वाचन म अपन मताधिकार के प्रयोग घलो करय।

संग म कहिन कि आज के दिन मतदाता मन के जागरूकता बर समर्पित हे। हमर देश, विश्व के सबले बड़ा लोकतांत्रिक देश हे। प्रजातंत्र ल सुदृढ़ अउ सुरक्षित बनाए बर हमन धर्म, वर्ग, जाति समुदाय, भाषा अथवा अन्य कोनो प्रलोभन ले प्रभावित होए बिना निष्पक्ष, स्वतंत्र अउ भयरहित होके मतदान करना चाहि।