राज्यपाल अनुसूईया उइके ह करिस परोपकार फाउंडेशन के सराहना, हरी झंडी दिखा के गरीब मन बर राशन पैकेट ल करिन रवाना

जय जोहार रायपुर….राज्यपाल अनुसूईया उइके ह कोरोना संकट म कोनो भूखा न रहे। ओखर बर राशन वितरण म अपन सहयोग देत हुए परोपकार फाउंडेशन के तरफ ले लोग मन ल वितरित करे जात एक हजार पैकेट ल हरी झंडी दिखा के रवाना करिस। ए अवसर म राज्यपाल ह फाउंडेशन के तरफ ले लोग मन तक भोजन अऊ राशन पहुंचाए अऊ मानव सेवा कार्य के सराहना करत हुए परोपकार फाउंडेशन के सबो सदस्य मन के अभिनंदन करिस।

फरोपकार फाउंडेसन के तरफ ले आज सरलघा 17वें दिन राजधानी के अलग-अलग क्षेत्र म जरूरतमंद लोग मन तक भोजन पहुंचाए बर दाल-खिचड़ी के वितरण करे गिस। जेमा बिहिनिया 100 पैकेट राजेंद्रनगर थाना, 200 पैकेट शंकरनगर, 150 पैकेट अशोक नगर गुढ़ियारी, 150 पैकेट शांतिनगर, 200 पैकेट समता कालोनी, 200 पैकेट देवेंद्र नगर, 100 पैकेट सिलतरा थाना अऊ 800 पैकेट नगर निगम म वितरित करे गिस।