राज्यपाल ह मलेशिया म फंसे भारतीय नागरिक मन ल लाए बर विदेश मंत्री ल लिखिस पत्र
जय जोहार रायपुर। राज्यपाल अनुसूईया उइके ह मलेशिया के क्वालालंपुर हवाई अड्डा म फंसे भारत के 21 नागरिक मन ल लाए बर विदेश मंत्री एस जयशंकर ल पत्र लिखे हे। एमा नागरिक मन ल जल्द लाए के आग्रह करे हे।
राज्यपाल ह पत्र के माध्यम ले केहे हे कि ओमन ल कोरोना के महामारी के वजह ले भोजन, पानी अऊ अन्य सुविधा ह उपलब्ध नई हो पात हे। अत: ए परिवार मन ल भारत लाए के जल्द व्यवस्था करे जाए। राज्यपाल ह ए संबंध म राजभवन सचिवालय ल समन्वय कर आवश्यक कार्यवाही करे के निर्देश दे हे।
उल्लेखनीय हे कि कोरोना वायरस के चलत पूरा दुनिया भर म विशेष सावधानी ल बरते जात हे। मलेशिया के क्वालालंपुर हवाई अड्डा म भारत आए वाला फ्लाईट ल कोरोना वायरस के खतरा ले बचाव बर निरस्त कर दे गे हे। एखर चलत छिंदवाड़ा के एक परिवार समेत गाजियाबाद, चंडीगढ़, राजपुरा, दिल्ली, सूरत, हरिदासपुरम, कोलकाता के 21 नागरिक हवाई अड्डा म फंसे हुए हे।
