विधानसभा के विशेष सत्र म होईस राज्यपाल के अभिभाषण , किहिस लोकतंत्र के ये मंदिर जनता के आकांक्षा ल पूरा करे

जय जोहार रायपुर…  राज्यपाल सुश्री अनुसुईया उइके ह आज छत्तीसगढ़ राज्य के पांचवा विधानसभा के नववर्ष 2020 म आयोजित प्रथम सत्र के अवसर म किहीन कि  छत्तीसगढ़ विधानसभा ह अल्प समय म अपन उत्कृष्ट कार्यप्रणाली ले जो गौरवशाली परम्परा स्थापित करे हे वो ये विधानसभा के इतिहास म सुनहरा पन्ना के रूप म दर्ज होय हे,

ओमन किहिस कि विधानसभा के विशेष सत्र म आए के मोर पहला अवसर हे , जेखर सुखद अनुभूति मोला भावुक घलो करत हे अऊ नया ऊर्जा देवत हे , राज्यपाल ह किहिस कि मोला पूरा विशवास हे कि हम सब मिल के छत्तीसगढ़ विधान सभा के किर्ती पताका ल ऊंचा करे म सफल होबो,

राज्यपाल सुश्री उइके ह किहिस कि भारतीय संविधान म अनुसूचित जाति अऊ अनुसूचित जनजाति बर आरक्षण के समय-सीमा बढ़ाये जाए बर  जो निर्धारित प्रक्रिया है, ओला पूरा करे म आपके  भागीदारी दर्ज होना, निश्चय ही बड़ सौभाग्य के विषय हे.