छत्तीसगढ़ पहुंचिस फसल ल तबाह करइया टिड्‌डी दल, कृषि विभाग ह ग्रामीण मन ल करिन अलर्ट

जय जोहार…. फसल ल तबाह करइया टिड्‌डी के दल ह छत्तीसगढ़ के कोरिया जिला म प्रवेश कर चुके हे। ए टिड्‌डी के दल ह मध्यप्रदेश के सीमा ले ग्राम पंचायत चरखर के ग्राम धोरधरा के ज्वारीटोला म पहुंच गे हे। जेखर बाद कृषि विभाग ह ग्रामीण मन ल अलर्ट कर दे हे। टिड्‌डी ले फसल के बचाव बर सलाह, मार्गदर्शन अऊ नियंत्रण बर कृषि विभाग के उपसंचालक के कार्यालय म कंट्रोल रूम स्थापित करे गे हे।

उल्लेखनीय हे कि टिड्‌डी दल के तरफ ले कई प्रदेश जइसे राजस्थान, महाराष्ट्र अऊ मध्यप्रदेश म फसल ल नुकसान पहुंचाय जावत हे। टिड्‌डी दल ह अपन रद्दा म अवइया सब्बो फसल अऊ गैर फसल ल चट कर जावत हे। फसल के नुकसान ल सिरिफ वयस्क टिड्डी ही नई, बलकि शिशु टिड्‌डी घलो पहुंचात हे।