शिक्षाकर्मी मन बर बढ़िया खबर….जल्द होही बड़े घोसना

रायपुर। छत्तीसगढ़ म संविलियन के मांग म आंदोलन करइया शिक्षाकर्मी बढ़िया खबर जल्द आवइया हे। उंखर मन बर सरकार जल्द ही बड़े घोसना कर सकत हे। सरकार के माने त मुख्य सचिव के अध्यक्षता म रुपरेखा तइयार कर ले गेह।
बता देन कि 26 मई के प्रदेश के शिक्षाकर्मी संविलियन संकल्प दिवस मनाही। शिक्षाकर्मी प्रदेश के जम्मो विधानसभा क्षेत्र मन म प्रदरसन करही। शिक्षाकर्मी मन के संविलियन के मुद्दा म मुख्यमंत्री डॉ.रमन सिंह ह कहिन कि शिक्षाकर्मी मन बर योजना तइयार कर ले गेह। मुख्य सचिव के अध्यक्षता वाले कमेटी येला देखत हे। जल्द येकर घोसना कर दे जाही। शिक्षाकर्मी के समस्या के समाधान जल्द ही होही।