chhollywood : छत्तीसगढ़ी गीत ‘प्रेम कहानी’ के रईपुर म होय हे प्रीमियर, तुषार सोलंकी अउ मोनिका वर्मा के हे स्वर, पढ़व

जय जोहार…. (chhollywood ) प्रेम के ए पवित्र माह म बुधवार के पीटीएफ स्टूडियो डहार ले अपन नवा गीत प्रेम कहानी के प्रीमियर ल करे गेहे। | प्रेम के मार्मिक महत्व ल बयाँ करत ये गीत ह एक ठीन अलग ही कहानी बयां करत हे| ए गीत के प्रीमियर म मुख्य अतिथि के रूप म छत्तीसगढ़ फिलीम एसोशिएशन के अध्यक्ष योगेश अग्रवाल उपस्थित रिहीन ।

मन ल एक ठीन अलग ही सुकून देवत ये गीत म तुषार सोलंकी अउ गायिका के रूप म मोनिका वर्मा ह अपन आवाज दीन है। ए मधुर गीत ल तुषार सोलंकी ह लिखे अउ कंपोज घलो करे हे , ए गीत म अभिनय ल भारत के पहला ट्रांस ब्यूटी कवीन वीणा सेंद्रे अउ जयेश कामवरपू ह करे हे। (chhollywood ) एखर फिल्मांकन् ल करे हे पुष्कर साहू ह अउ क्रियेटिव डायरेक्टर सुमीत बसाईवाला हे। मेक-अप के कमान् ल श्रीवा तिवारी ह सम्हालीन हे। गीतिका देवदास, विवेक पाठक, पंकज साहू, तनुज भंवर ह सहयोगी टीम के रूप म मौजूद रिहीन।

ए गीत के आंनद ल 10.02.2022 गुरुवार के बिहनिया 10 बजे ले पीटीएफ स्टूडियो के यूट्यूब चैनल म ले जा सकही। (chhollywood ) प्रीमियर के ए मउका म छत्तीसगढ़ के कई झन प्रसिद्ध यूट्यूबर अउ सोशल मीडिया इंफ्लुएंसर् काजल श्रीवास, अमृता कुशवाहा अउ दीपक साहू समेत पीटीएफ स्टूडियो के पूरा टीम मौजूद रिहीन।