जीएसटी विभाग ह दू कारोबारी मन उपर कसीस शिकंजा

रायपुर : जिला म केंद्रीय वस्तु और सेवा कर (जीएसटी) विभाग ह जीएसटी चोरी

करइया दो बड़का कारोबारी ल दबिश देके गिरफ्तार करिस हे. आरोपी के नाम

आयुष गर्ग अउ संतोष अग्रवाल बताय जात हे. दूनों आरोपी लोहा के एक निजी

फर्म के कारोबारी हवय. फिलहाल आरोपी मन ल दू दिन के न्यायिक हिरासत म भेज

देय गिस हे.

जांच के दउरान जीएटी विभाग ह फर्म के फर्जी बिल मन के आधार म करे गे भारी

घोटाला के पर्दाफाश करिस। ए आरोपी 141 करोड़ के फर्जी बिल बनाके जीएसटी

के चोरी करत रहिस हे. आरोपी मन के खिलाफ जीएसटी अपवंचन के मामला दर्ज कर

न्यायालय म पेश करे गिस हे. जिहां दूनों आरोपी मन ल  न्यायिक हिरासत म

भेज देय गिस हे.

बताय जात हे जांच के दउरान आरोपी मन के तीर ओडिशा के 12 कंपनी मन क फर्जी

बिल बरामद करे गिस हे. जेमा कुल 149 करोड़ के स्टील आइटम जइसे टीएमटी,

चैनल्स आदि के खरीदी अउ 21 करोड़ रुपिया के जीएसटी दिखाए गेहे हे.

ए वजह ले अधिकारी अउ कर्मचारी मन लेट ले कार्यालय आथे

बेमेतरा: शासन के ओर ले पेपर वर्क ल कम करे बर जिला अस्पताल सहित कतको

कार्यालय मन म  अटेंडेंस लगाए बर बायोमैट्रिक मशीन वितरित करेगे रिस हे.

लेकिन जिला के लापरवाह अधिकारी अउ कर्मचारी बायोमेट्रिक मशीन के उपयोग नइ

करत हवय. अउ लेट ले कार्यालय आवत हे.

जिला अस्पताल म 2015 ले बायोमेट्रिक मशीन लगाए गेहे लेकिन 4 महीना ले

सॉफ्टवेयर अपडेट नइ होए ले ए बंद पड़े हवय. इहां लगभग 90 कार्यरत

कर्मचारी मन के उपस्थिति रजिस्टर म ही दर्ज करे जात हे. जेखर ले इमन ल

लेट ले कार्यालय आए बर  खुला छूट मिल गेहे.

उहें जिला शिक्षा अधिकारी कार्यालय,  बीईओ कार्यालय,  सीएचएमओ कार्यालय

अउ जिला के सब्बो  प्राथमिक स्वास्थ्य केंद्र मन म अब तक मशीन ही नइ लग

पाए हे. जिला के तहसील कार्यालय म बायोमेट्रिक अपडेट नइए. बता दन बेमेतरा

म कुल 1296 स्कूल म ले 1281 स्कूल म बायोमेट्रिक लगे हुए हे,. उहें 15

स्कूल म अब तक बायोमेट्रिक मशीन नइ लग पाए हे. जेखर कोनो मॉनीटिरिंग नइ

हो पात हे.