एकलव्य आदर्श आवासीय विद्यालय म करे जाही अतिथि शिक्षक मन के भर्ती, संचालक मण्डल के बइठक म होय हे कई बिन्दु म चर्चा

जय जोहार…. एकलव्य आदर्श विद्यालय के संचालन बर शिक्षण सत्र 2020-21 म रिक्त पद म अतिथि शिक्षक मन के भर्ती करे जाही।

राज्य म 42 एकलव्य आदर्श आवासीय विद्यालय संचालित हे, जेमा ले 25 विद्यालय बर पद संरचना के स्वीकृति ल प्रशासकीय विभाग के तरफ ले जारी करे जा चुके हे।

ए जानकारी ल राज्य स्तरीय आदिम जाति कल्याण, आवासीय अउ आश्रम शैक्षणिक संस्थान समिति के बइठक म अनुसूचित जाति अउ जनजाति विकास विभाग के सचिव डीडी सिंह ह दे हे।
ए बइठक म अनुसूचित जाति अउ जनजाति विभाग के अधिकारी मन ह बताइस कि राज्य म पूर्व ले संचालित एकलव्य आदर्श आवासीय विद्यालय परिसर म एक सेन्टर ऑफ एक्सीलेंस इन स्पोर्ट्स के स्थापना करे जाही।

एखर बर सूरजपुर के भैय्याथान, राजनांदगांव अउ धमतरी जिले के नगरी के स्कूल के प्रस्ताव ल भेजे गे हे। ये केन्द्र पांच करोड़ रूपिया के लागत ले स्थापित करे जाही।

इहां भवन अउ खेल उपकरण, न्यूनतम एक व्यक्तिगत खेल अउ एक समूह खेल के सुविधा ह होही।