Raipur: क्रिसमस अऊ नवा साल मनाय के संबंध म दिशा-निर्देश हो गे जारी, पढो पूरा खबर

जय जोहार…. (Raipur) क्रिसमस अऊ नवा साल मनाय के संबंध म विस्तृत दिशा-निर्देश जारी हो गे हे। ये दिशा-निर्देश ल रायपुर कलेक्टर डॉ एस भारतीदासन ह जारी करे हे।

(Raipur) जारी आदेश म कहे गे हे कि कार्यक्रम के आयोजन ह खुला अऊ सार्वजनिक स्थान म नई करे जा सकही। कार्यक्रम के दौरान कोनो प्रकार के जुलूस, सभा, रैली, सांस्कृतिक कार्यक्रम के आयोजन के अनुमति नई होही। कार्यक्रम स्थल के क्षमता ले 50 प्रतिशत अऊ जादा ले जादा 200 व्यक्ति ल ही सम्मिलित होय के अनुमति होही।

कार्यक्रम के दौरान आयोजन परिसर म सीसीटीवी कैमरा अऊ वीडियोग्राफई करवाना अनिवार्य होही। (Raipur) बगैर अनुमति के कार्यक्रम के आयोजन नई करे जा सकही। कार्यक्रम ल रात 12.30 बजे तक समाप्त करे जाना अनिवार्य होही। कार्यक्रम म छोटे लईका, जादा उम्र के बुजुर्ग व्यक्ति ल शामिल नई करे ल केहे गे हे। पूर्व म जारी आदेश के मुताबिक रात 11.55 ले 12.30 बजे तक ही हरित पटाखा ल फोड़े के अनुमति होही।