जय जोहार…. (chhattisgarh) सामान्य प्रशासन विभाग ह छ्त्तीसगढ़ राज्य म अवइया यात्री मन बर कोविड टेस्ट जांच के संबंध म दिशा-निर्देश जारी करे हे। ए संबंध म विभाग के तरफ ले सबे संभागायुक्त, पुलिस महानिरीक्षक, कलेक्टर अउ पुलिस अधीक्षक ल नोवेल कोरोना वायरस के नवा वेरियंट के संक्रमण म नियंत्रण बर आवश्यक व्यवस्था तत्काल सुनिश्चित करे के निर्देश जारी करे गे हे।
जारी करे ग दिशा-निर्देश के अनुसार छत्तीसगढ़ (chhattisgarh) म हवाई मार्ग, रेल अथवा रद्दा ले अवइया सबो यात्री मन के 72 घंटा के भीतर कोविड निगेटिव रिपोर्ट ल प्रस्तुत करे जाना अनिवार्य होही। रिपोर्ट निगेटिव हेाय म छ्त्तीसगढ़ राज्य म प्रवेश के अनुमति दे जा सकत हे। अईसे यात्री जेखर निगेटिव कोविड रिपोर्ट हे अउ कोविड 19 के लक्षण नई हे, ओ मन ल स्वास्थ्य विभाग के एसओपी के अनुसार होम क्वारेंटीन होय के निर्देश दे जाए।
(chhattisgarh) अईसे यात्री जेखर करा निगेटिव कोविड रिपोर्ट हे अउ ओमन म कोविड 19 क लक्षण हे, अईसे सबो मनखे मन के पुन: कोविड जांच करे जाए। जांच म पाजिटिव पाय जाय म स्वास्थ्य विभाग के एसओपी के अनुसार इलाज बर कार्यवाही करे जाए।
