जय जोहार…. (Marwahi by-election) मरवाही विधानसभा उपचुनाव बर राष्ट्रवादी कांग्रेस पार्टी (एनसीपी) ह घलो अपन उम्मीदवार ल चुनावी मैदान म उतार दे हे। पार्टी के प्रत्याशी गुलाब सिंह पैकरा आज सनिच्चर के अपन नामांकन ल दाखिल करे हे।
बता दन कि (Marwahi by-election) राष्ट्रवादी कांग्रेस पार्टी के तरफ ले घलो प्रत्याशी ल चुनावी मैदान म उतारे ले अब कांटा के टक्कर देखे ल मिल सकत हे। जेसीसीजे, कांग्रेस अऊ भाजपा के बाद अब राष्ट्रवादी कांग्रेस पार्टी ह अपन दमखम के संग प्रत्याशी ल मैदान म उतार दे हे। एखर चलत अब मुकाबला म त्रिकोणीय ले चौकोणीय होवत नजर आवत हे।
राष्ट्रवादी कांग्रेस के प्रत्याशी गुलाब सिंह पैकरा के (Marwahi by-election) नामांकन दाखिल करे के समय एनसीपी के वरिष्ठ नेता नीलकंठ त्रिपाठी, पूर्व विधायक प्रत्याशी पुरुषोत्तम पाण्डेय, हितेश शुक्ला, अखिल शुक्ल, बेचन पैकरा, अजय पैकरा, अशोक पैकरा अरविंद पैकरा, दिलीप पैकरा, अभी सिंह ठाकुर, महेश कुमार पैकरा, सुनील पैकरा, कामेश्वर पैकरा, रामचरण कांशीपुरी, हरनाम सिंह पैकरा समेत कार्यकर्ता मन ह उपस्थित रिहिन।
