Raipur म 16 दिसंबर के नई निकलही गुरु घासीदास के शोभायात्रा, पढ़ो पूरा खबर

जय जोहार…. (Raipur) गुरु घासीदास जयंती के पूर्व संझा म हर साल राजधानी म परम्परा के अनुसार 16 दिसंबर के भव्य शोभायात्रा ल निकाले जावत हे, जेला ए बार कोरोना संकट के सती स्थगित कर दे गे हे।

राजधानी (Raipur) म गुरु घासीदास जयंती म आयोजित होवइया अलग-अलग कार्यक्रम के तैयारी ल लेके विगत दिन न्यू राजेंद्रनगर स्थित मिनीमाता स्मृति वातानुकूलित भवन म सतमानी समाज के बइठक आयोजित होइस, जेमा 13 दिसंबर के निकलइया बाइक रैली अऊ 16 दिसंबर के आयोजित शोभायात्रा ल स्थगित करे के निर्णय ले गे हे।

ए बार राजधानी (Raipur) म दूू दिनी कार्यक्रम आयोजित होही, जेखर तहत 17 दिसंबर के महिला मन के सांस्कृतिक कार्यक्रम अऊ 18 दिसंबर के गुरु घासीदास जयंती, साहित्यिक संगोष्ठी अऊ अलंकरण समारोह ह न्यू राजेंद्रनगर के सांस्कृतिक भवन परिसर म प्रशासन के तरफ ले जारी कोरोना गाइडलाइन के नियम के पालन करत हुये सादगीपूर्वक आयोजित करे जाही। ए कार्यक्रम के मुख्य अतिथि मुख्यमंत्री भूपेश बघेल ह होही। अध्यक्षता ल नगरीय प्रशासन मंत्री डॉ शिवकुमार डहरिया ह करही।