छत्तीसगढ़ म बारिश के संग ओला के चेतावनी, मौसम विभाग ह जारी करिस अलर्ट

जय जोहार रायपुर…. मौसम विभाग ह 14 मार्च तक छत्तीसगढ़ के अधिकांश हिस्सा मन म बारिश के संगेसंग ओला के चेतावनी दे हे। मौसम विभाग ह 14 मार्च तक बारिश के अलर्ट जारी करे हे।

मौसम विभाग के अनुसार बारिश के ए सिलसिला ह 14 मार्च तक अइसनहे बने रही। छत्तीसगढ़ के अधिकांश हिस्सा मन म पिछिली 24 घंटा म मौसम म बदलाव दिखे रहिस, ये बदलाव ह 14 मार्च तक दिखही। पिछिली 24 घंटा म छत्तीसगढ़ म बारिश होए रहिस।

छत्तीसगढ़ के जेन जिला मन म बारिश के चेतावनी दे गे हे। ओमा बिलासपुर, धमतरी, दुर्ग, महासमुंद, मुंगेली, रायगढ़, रायपुर अऊ सरगुजा म 11 ले 14 मार्च तक बूंदाबांदी होत रही। ऊहचे बारिश के संग ओला अऊ सर्द हवा के घलो चेतावनी दे गे हे।