दू दिन पहिली लापता युवक के लाश ह मिलिस नदिया म, हत्या के आशंका

जांजगीर-चांपा। दू दिन पहिली लापता होय रहीस एक युवक के लाश ह हसदेव नदिया म संदिग्ध परिस्थिती म मिले हे। वो युवक के बाइक ह शनिवार के बम्हनीडीह थाना इलाका के सोंठी नगर के कुआं म पाई गे हे। बाइक मिले के बाद युवक ल लापता मान के ओखर पतासाजी करत रिहिन। ये मामला म पुलिस ह हत्या के आशंका जतात हे।

बम्हनीडीह थाना इलाका के जोगीडीपा के रहवईया एक झन युवक ह दू दिन ले लापता रहीस। पुलिस ह युवक के गुमशुदगी के मामला दर्ज कर तलाश करत रिहिस। इही बीच शनिवार के युवक के बाइक बम्हनीडीह थाना इलाका के जोगीडीपा के कुंआ म मिलिस हे। इतवार के लाश बरामद करे के बाद पुलिस ह मर्ग कायम कर मामला के जांच म जुट गिन हे।