Raipur: कोरोना ले प्रधान आरक्षक के हो गे मौत, अस्पताल म रिहिस भर्ती

जय जोहार…. राजधानी (Raipur) म कोरोना ले जुड़े एक बड़का खबर सामने आवत हे। कोरोना संक्रमण ले प्रधान आरक्षक दाऊलाल चंद्राकर के मौत हो गे। कोरोना पाजिटिव होय के बाद ओखर रायपुर के एक निजी अस्पताल म इलाज चलत रिहिस, जिहां देर रात ओखर मौत हो गे।
मिले जानकारी के मुताबिक प्रधान आरक्षक ह महासमुंद जिला के खरोरा के रहवइया रिहिस, वर्तमान म ओ हा सिविल लाइन थाना (Raipur) म रहत रिहिस। प्रधान आरक्षक दाऊलाल चंद्राकर के तबियत ह अचानक खराब होय रिहिस, जेखर बाद ओखर कोरोना जांच कराय गे रिहिस।
(Raipur) 24 सितंबर के ओखर कोरोना टेस्ट ह पाजिटिव आय के बाद ओला रायपुर के एक निजी अस्पताल म उपचार बर भर्ती कराए गे रिहिस, जिहां देर रात ओखर मौत हो गे।