स्वास्थ्य विभाग ह जारी करिस मेडिकल बुलेटिन, 24 घंटा म मिलिस दो कोरोना संक्रमित मरीज

जय जोहार रायपुर…. कोविड 19 ले बचाव बर केंद्र अऊ राज्य सरकार ह हरसंभव प्रयास करत हे। एखर बावजूद संक्रमित मरीज मन के संख्या ह लगातार बढ़त जात हे। छत्तीसगढ़ म कोरोना के स्थिति ल लेके स्वास्थ्य विभाग ह मेडिकल बुलेटिन जारी करे हे।

जारी बुलेटिन के अनुसार प्रदेश म आज पिछिले 24 घंटा के भीतर दो संक्रमित मरीज मन के पुष्टि होए हे अऊ तीन संक्रमित मन ल अस्पताल ले रिकवर कर घर भेज दे गे हे। ऊहचे 20 मरीज मन के उपचार रायपुर एम्स म जारी हे। कोरबा के 292 लोग मन के अभी जाच रिपोर्ट ह आए ल बाकी हे। ऊहचे अब तक होइस जांच म कोरबा के 560 लोग मन के कोरोना टेस्ट के रिपोर्ट ह नेगेटिव आए हे।