स्वास्थ्य मंत्री सिंहदेव ह केंद्रीय स्वास्थ्य मंत्री ल लिखिस पत्र, कोरोना के परीक्षण के दायरा ल बढ़ाए के करिस मांग
जय जोहार रायपुर…. प्रदेश के स्वास्थ्य मंत्री टीएस सिंहदेव ह केंद्रीय स्वास्थ्य मंत्री डॉ. हर्षवर्धन ल पत्र लिख के कोरोना वायरस टेस्ट के प्रक्रिया ल विस्तार दे के मांग करे हे। जेखर ले प्रदेश म परीक्षण केंद्र मन के संख्या ल बढ़ाए के अलावा जरूरत के मुताबिक टेस्टिंग किट मुहैया कराए जा सके।
केंद्रीय स्वास्थ्य मंत्री ल प्रदेश के स्वास्थ्य मंत्री ह लिखे पत्र म कोरोना वायरस ले प्रभावित मन के बढ़त संख्या ल देखत हुए एखर परीक्षण के दायरा ल बढ़ाए के जरूरत बताए हे। वो हा कहिन कि भारत सरकार के तरफ ले अपनाए जावत प्रक्रिया बहुत सीमित हे। जेखर ले कोरोना प्रभावित देश ले आए वाला लोग अऊ ए लोग मन ले संपर्क म आए लोग मन के ही जांच करे जात हे। ए वजह ले उपलब्ध किट के सीमित उपयोग होवत हे।
स्वास्थ्य मंत्री ह कहिन कि अन्य राज्य मन के तहत छत्तीसगढ़ म परीक्षण बर सिर्फ एक केंद्र हे। अइसे म हम ए बात ल लेके आशंकित हे कि परीक्षण के दायरा ल बढ़ाए जाए म क्या पर्याप्त संख्या म भारत सरकार किट उपलब्ध कराही। ए स्थिति म परीक्षण के दायरा ल बढ़ाए के मांग करे हे।
