Raipur : स्वास्थ्य मंत्री टीएस सिंहदेव ह काली कांकेर अउ जगदलपुर मेडिकल कॉलेज के स्वशासी समिति के लेही बइठक

जय जोहार। स्वास्थ्य मंत्री टी.एस. सिंहदेव ह मंगलवार के कांकेर अउ जगदलपुर शासकीय मेडिकल कॉलेज के स्वशासी समिति के बइठक लेही । मंत्री श्री सिंहदेव ह 14-15 फरवरी के दू दिनी जगदलपुर प्रवास के दउरान आयुर्वेदिक अस्पताल अउ शहरी प्राथमिक स्वास्थ्य केंद्र के निरीक्षण करही । उंहे जगदलपुर म निर्माणाधीन सुपर स्पेशियालिटी अस्पताल अउ शहरी प्राथमिक स्वास्थ्य केंद्र के घलो अवलोकन करही ।

स्वास्थ्य मंत्री श्री सिंहदेव ह 14 फरवरी के मंझनिया तीन बजे रायपुर ले नियमित विमान डहार ले जगदलपुर बर रवाना होही। मंत्री श्री सिंहदेव ह संझा साढ़े चार बजे जगदलपुर म निर्माणाधीन सुपर स्पेशियालिटी अस्पताल के निरीक्षण करही । मंत्री श्री सिंहदेव ह संझा पांच बजे शासकीय चिकित्सा महाविद्यालय जगदलपुर म कांकेर शासकीय चिकित्सा महाविद्यालय के स्वशासी समिति के बइठक लेही । मंत्री श्री सिंहदेव ह संझा छह बजे जगदलपुर शासकीय चिकित्सा महाविद्यालय के स्वशासी समिति के बइठक लेही । मंत्री श्री सिंहदेव ह संझा सात बजे सर्किट हाउस म मनखे मन ले मुलाकात करही ।

स्वास्थ्य मंत्री ह 15 फरवरी के बिहनिया साढ़े दस बजे जगदलपुर के कुम्हारपारा म शहरी प्राथमिक स्वास्थ्य केंद्र के निर्माणाधीन भवन के अवलोकन करही । मंत्री श्री सिंहदेव ह बिहनिया 11 बजे आयुर्वेदिक अस्पताल अउ शहरी प्राथमिक स्वास्थ्य केंद्र के निरीक्षण करही । मंत्री श्री सिंहदेव ह मंझनिया 1:20 बजे जगदलपुर ले नियमित विमान ले रायपुर बर प्रस्थान करही अउ मंझनिया 1:55 बजे रायपुर पहुंचही ।