जय जोहार…. छत्तीसगढ़ (chhattisgarh) के स्वास्थ्य मंत्री टी.एस. सिंहदेव ह केंद्रीय स्वास्थ्य अउ परिवार कल्याण मंत्री मनसुख मंडाविया ल पत्र लिखे हे। ए पत्र म स्वास्थ्य मंत्री टी.एस. सिंहदेव ह रईपुर के एम्स (AIIMS) अउ पंडित जवाहर लाल नेहरू स्मृति चिकित्सा महाविद्यालय म जीनोम सिक्वेंसिंग (Genome Sequencing) जांच के सुविधा ल जल्दीच सुरु करे के मांग करे हे ।
वो हा आज केंद्रीय स्वास्थ्य मंत्री ल लिखे पत्र म किहीन कि कोविड-19 के नवा वेरिएंट अउ ओखर बदले स्वरूप वैश्विक स्तर म गंभीर चिंता के विसय बने हे। भारत घलो एखर ले अछूता नई हे। देस के जादातर राज्य म कोविड के नवा वेरिएंट के बाढ़ते संक्रमण के खबर सरलग आवत हे। छत्तीसगढ़ (chhattisgarh) कई ठीन राज्य के सीमा ले घिरे हे। एखर सेती इहां घलो कोरोना के नवा मामला सरलग सामने आवत हे।
स्वास्थ्य मंत्री श्री सिंहदेव ह पत्र म लिखे हे कि छत्तीसगढ़ म कोरोना के वेरियंट के पता लगाय बर जीनोम सिक्वेंसिंग जांच के सुविधा उपलब्ध नई हे। हमन ल एखर बर सैंपल भुवनेश्वर (ओड़िशा) भेजके रिपोर्ट ल मंगाना पड़त हे, जेमा बड़ अकन बेरा लगत हे। (chhattisgarh) जांच के गति धीमा होय के सेती ये घलो पता नई चल पात हे कि हमर मन के क्षेत्र म फैलइया कोरोना वेरिएंट ओमिक्रॉन, डेल्टा या आन कोनो दूसरइया हे।
मंत्री सिंहदेव ह राज्य के वर्तमान परिस्थिति के दृष्टिगत एम्स रईपुर म जीनोम सिक्वेंसिंग जांच की सुविधा ल तत्काल प्रारंभ कराय जाय के आग्रह करे हे। वो हा रईपुर के सासकीय मेडिकल कॉलेज म घलो जीनोम सिक्वेंसिंग जांच के सुविधा ल जल्दीच सुरू करे बर जरूरी आर्थिक अउ तकनीकी सहयोग उपलब्ध कराय के घलो अनुरोध करे हे।
No Comment! Be the first one.