जय जोहार…. (raipur) डॉ भीमराव अंबेडकर स्मृति चिकित्सालय स्थित एडवांस कार्डियक इंस्टीट्यूट (एसीआई) म नवस्थापित कैथलैब यूनिट के सनिच्चर के शाम चार बजे स्वास्थ्य मंत्री टीएस सिंहदेव ह ई-उद्घाटन करही।
उद्घाटन के बारे म (raipur) पं जवाहरलाल नेहरू स्मृति चिकित्सा महाविद्यालय के अधिष्ठाता डॉ विष्णु दत्त ह बताइस कि लगभग 3.50 करोड़ के लागत ले अत्याधुनिक कैथलैब मशीन के इंस्टालेंशन एसीआई म करे गे हे।
ए मशीन के संग एडवांस तकनीक वाला आन मशीन घलो स्थापित करे गे हे। जेन हृद्य रोग के जांच अउ निदान म उपयोगी साबित होही। वो हा बताइस कि अवइया दिन म हृदय रोग ले जुड़े बीमारी बर ये संस्थान ह सर्वसुविधा ले परिपूर्ण होही।
(raipur) कार्डियोलाजी विभाग के विभागाध्यक्ष डॉ स्मित श्रीवास्तव ह बताइस कि कैथलैब म सात आन एडवांस मशीन के इंस्टालेंशन करे गे हे। ये सबो के उपयोग ह हृदय के बीमारी के इलाज बर करे जाही। ए मशीन ल भाभा एटॉमिक एनर्जी सेन्टर ले रेडियेशन के लाइसेंस ह प्राप्त हो चुके हे।
