जय जोहार…. (Chhattisgarh) प्रदेश म लॉकडाउन ल लेके स्वास्थ्य मंत्री टीएस सिंहदेव के बड़का बयान सामने आए हे। स्वास्थ्य मंत्री ह कहिन कि लॉकडाउन ले कोरोना संक्रमण ल नई रोके जा सकथे, सिरिफ ओखर गति ह धीमा हो जावत हे।
होली के तिहार ल लेके स्वास्थ्य मंत्री सिंहदेव ह कहिन कि एला सामान्य रूप ले मनाना चाही। जेला लेके विभाग के बइठक म आज फइसला ले जाही। कोरोना संक्रमण ल रोके बर नियम बनाए जावत हे। नियम म पहिले के तरह फेर ले शादी समारोह म सिरिफ 50 मनखे के उपस्थिति हो सकत हे।
(Chhattisgarh) स्वास्थ्य मंत्री सिंहदेव ह कहिन कि मास्क नइ लगइया मन उपर सख्ती करना घलो जरूरी हे। कोरोना ले बचाव बर मास्क जरूरी हे। वो हा कहिन कि मास्क नई लगइया मन उपर 500 रुपया के जुर्माना लगाए जा सकत हे।
No Comment! Be the first one.